Қаржы нарығын реттеу агенттігі 2025 жылдың алғашқы тоғыз айына арналған бөлшек несие нарығына шолу жариялады, деп хабарлайды Dalanews.kz.
Мәліметке сәйкес, қазақстандықтардың жалпы несиеге берген өтінімдерінің саны өткен жылдағы 4,5% өсіммен салыстырғанда 13,1% төмендеген. Негізгі құлдырау кепілсіз несиелер сегментінде байқалады, яғни мұндағы көрсеткіш 16,4 пайызды құрады.
Сонымен бірге кепілмен берілетін несиелерге сұраныс артып келеді:
- ипотека – 10,2% өсім,
- автонесие – 48%,
- жылжымайтын мүлік кепілімен берілетін тұтынушылық қарыздар – 54,5%.
Сарапшылардың айтуынша, тұрғындардың қаржы мінез-құлқындағы бұл өзгеріс бірнеше фактордың қосындысымен түсіндіріледі. Атап айтқанда, қаржылық реттеудің күшеюі және халықтың нақты табысының төмендеуі.
