Қазақстанда шетелдіктерге ЖСН беру қызметі уақытша тоқтатылды, деп хабарлайды Dalanews.kz.
13-16 ақпан аралығында Қазақстандағы ХҚКО және көші-қон қызметі орталықтарында шетелдіктер мен азаматтығы жоқ адамдарға ЖСН беру қызметі уақытша қолжетімсіз болады. Бұл туралы Азаматтарға арналған үкімет мемлекеттік корпорациясы хабарлады.
Ведомство мәліметінше, қызметтің уақытша тоқтатылуына мемлекеттік орган тарапынан жүргізілетін техникалық жұмыстар себеп. Бұл кезеңде жаңа ЖСН рәсімдеу мүмкін емес.
Мемлекеттік корпорация азаматтардан келтірілген қолайсыздық үшін кешірім сұрап, мұндай техникалық жұмыстар 2025 жылғы желтоқсанда да жүргізілгенін еске салды.
