Қазақстанда дәрігерлердің жалақысы және денсаулық сақтау жүйесін қаржыландыру көлемі үш есеге жуық өсті, деп хабарлайды Dalanews.kz.
Бұл туралы Үкімет отырысы барысында денсаулық сақтау министрі Ақмарал Әлназарова баяндады.
"Кейінгі 7 жылда дәрігерлердің орташа жалақысы 159 мың теңгеден 442 мың теңгеге дейін өсті. 1 адамға арналған медициналық шығын 98 мың теңгеден 258 мың теңгеге дейін ұлғайды. Қаржыландыру ұлғаюы медициналық көмектің қолжетімділігіне тікелей әсер етті. Бастапқы деңгейде көрсетілетін қызметтер және консультациялық-диагностикалық қызметтер саны 2,7 есе ұлғайды", - деді Ақмарал Әлназарова.
