Қазақстан Қарашығанақ кен орнында газ өндіру көлемін уақытша қысқартты. Бұл туралы Энергетика министрі Ерлан Ақкенженов мәлімдеді, деп хабарлайды dalanews.kz.
Министрдің айтуынша, Қарашығанақ кен орнында газ өндіру көлемі 9 мың тоннаға қысқартылған.
"Қарашығанақта газ өндіру 9 мың тоннаға азайтылды. Бірақ бұл ішкі нарыққа әсер еткен жоқ. Елдегі барлық тұтынушы газды толық көлемде алып отыр", – деді Ерлан Ақкенженов.
Министрлік бұған дейін Ресейдің Орынбор облысындағы кәсіпорынға жасалған украиналық ұшқышсыз ұшу аппараттарының шабуылы Қазақстанға газ жеткізуге әсер етпегенін хабарлаған еді.
