2025 жылдың қыркүйегінен 2026 жылдың наурызына дейінгі аралықта астық және ұн экспорты (астық баламасында) 9,9 миллион тонна болды, деп хабарлайды Dalanews.kz.

Бұл туралы Қазақстан Республикасының Ауыл шаруашылығы министрлігі хабарлады.

«Қазақстан темір жолы» ҰК» АҚ мәліметінше, өткен жылдың осы кезеңінде бұл көрсеткіш 8,7 миллион тонна болған. Бұл сыртқы жеткізілімдердің оң динамикасын көрсетеді.

Негізгі бағыттар бойынша айтарлықтай өсім тіркелді. Өзбекстанға астық экспорты 15%-ға артып, 7,3 миллион тоннадан 8,4 миллион тоннаға жетті.

Қырғызстанға жеткізілімдер 1,7 есеге өсіп, 233 мың тоннадан 393 мың тоннаға дейін артты.

Сондай-ақ Ауғанстан бағыты бойынша экспорт көлемі 35%-ға ұлғайып, 1,1 миллион тоннадан 1,5 миллион тоннаға жетті.

Түрікменстанға жеткізілімдер көлемі 1,5 есеге өсіп, 105 мың тоннадан 156 мың тоннаға дейін артты.