Қазақстан 2026 жылғы 1 тамыздан бастап шетелден алма әкелуге уақытша шектеу енгізуді жоспарлап отыр. Бұл туралы Ауыл шаруашылығы министрлігінің тиісті бұйрық жобасы "Ашық НҚА" порталында қоғамдық талқылауға ұсынылды, деп хабарлайды dalanews.kz.
Жобаға сәйкес, шектеу 2026 жылдың 1 тамызы мен 31 желтоқсаны аралығында қолданыста болуы мүмкін.
Алайда бұл талап Қазақстан аумағы арқылы транзитпен тасымалданатын жүктерге және ЕАЭО-ға мүше мемлекеттер арасында республика аумағы арқылы жеткізілетін алмаларға қолданылмайды.
