1 маусым күні Жезқазған, Сәтбаев және Балқаш қалаларында Халықаралық балаларды қорғау күніне арналған мерекелік іс-шара өтті. Аты аталған қалалардың кішкентай тұрғындары үшін «Қазақмыс» компаниясы «Ұлы Бала Fest – Балалық шаққа саяхат» фестивалін ұйымдастырып, өндірістік нысандарға экскурсия жасады және балалар үйінің тәрбиеленушілеріне қайырымдылық көмек көрсетті, деп хабарлайды dalanews.kz.
Мерекелік алаңдарға мыңдаған бала мен ата-аналар жиналды. Қонақтарға интерактивті ойындар, шығармашылық шеберлік сабақтары, аниматорлардың қойылымдары, түрлі байқаулар мен спорттық жарыстар және ойын-сауық бағдарламасы ұйымдастырылды. Отбасылық мереке атмосферасын қалыптастыруға ерекше назар аударылды, әрбір бала өз қызығушылығына сай іспен айналысып, жақындарымен бірге уақыт өткізді.
Балаларды қорғау күні аясында компания жұмыскерлерінің балалары үшін Жезқазған, Қарағанды және Балқаш қалаларындағы «Қазақмыстың» өндірістік нысандарына экскурсия ұйымдастырылды. Қатысушылар Нұрқазған байыту фабрикасына, Қоңыраттағы өндірістік алаңға, жөндеу-механикалық бөлімшелеріне және құю-механикалық зауытына барды. Экскурсия барысында балалар заманауи технологиямен, өндіріс үдерісімен және ата-анасының күн сайын атқаратын жұмысымен танысты.
Жезқазғандағы балалар үйлерінің тәрбиеленушілеріне арнап ұйымдастырылған қайырымдылық акциясы мерекелік іс-шараның жеке бағытына айналды. Компания өкілдері балаларды мерекесімен құттықтап, сыйлықтар табыс етті және ойын-сауық бағдарламасын ұйымдастырды. Мұндай бастамалар Қазақмысқа қатысы бар өңірлердегі балалар мен отбасыларды қолдауға бағытталған жүйелі жұмыстың бір бөлігі.
Жас ұрпаққа қамқорлық жасау компанияның әлеуметтік саясатының негізгі бағыттарының бірі болып қала береді. Мерекелік іс-шарадан бөлек «Қазақмыс» балалардың дамуына, денсаулығын нығайтуға және қолдауға бағытталған бағдарламалар кешенін жүзеге асырып келеді.
2026 жылы «Қазақмыс» еліміздегі сауықтыру лагерьлерінде жұмыскерлердің 1200-ден астам баласының жазғы демалысын ұйымдастырады. Балалардың денсаулығын нығайтуға, жаңа дағдыларды дамытуға және жазғы демалысын сапалы өткізуге бағытталған спорттық, білім беру және шығармашылық бағдарламалар әзірленді. Жазғы демалыстың алғашқы науқаны 7 маусымда басталады.
Арнайы медициналық көмекке мұқтаж балаларды қолдауға да ерекше назар аударылуда. 2026 жылдың басынан бері балаларды оңалту бағдарламасы аясында 54 бала қалпына келтіру емін алды, ал жобаны қаржыландыруға 31 млн теңге бөлінді. Бағдарлама 2020 жылы іске қосылғаннан бері Жезқазған, Сәтбаев және Балқаш қалаларында мыңнан астам балаға көмек көрсетілді.
Балаларды қолдау, олардың дамуына, сауығуына және толыққанды демалуына жағдай жасау «Қазақмыстың» әлеуметтік жауапкершілігінің маңызды бағыты болып табылады. Компания отбасылардың өмір сүру сапасын арттыруды және өзіне қатысы бар өңірлердің әл-ауқатын жақсартуға бағытталған жобаларды жүзеге асыруды жалғастыра береді.
