Павлодар облысында ер адам далада үсіп өлді, деп хабарлайды Dalanews.kz.
Павлодар облысы ТЖД мәліметінше, 11 наурызда таңертең Баянауыл ауданы Майкөбе ауылынан 10 шақырым, ал фермадан 2 шақырым жерде Баянауыл ауданы ТЖБ қызметкерлері іздеу жұмыстарын жүргізу кезінде 1980 жылы туған ер адам өлі табылған.
Ол 10 наурызда сағат 14:00 шамасында мал қарауға шыққан. ТЖД ақпаратына сүйенсек, ер адам - шаруа қожалығының қызметкері.
