Мәжіліс депутаты Ермұрат Бапи Нұрсұлтан Назарбаевтың қазіргі саясатқа араласпайтыны туралы мәлімдемеге қатысты өз ойын айтты, деп хабарлайды dalanews.kz.
Журналистер Мәжіліс кулуарында депутаттан экс-президенттің саясаттан шет қалғанына сенесіз бе деп сұрады. Бапи бұл пікірмен келісетінін жеткізді.
Депутаттың айтуынша, соңғы екі-үш жылда Нұрсұлтан Назарбаевтың мемлекеттік саясатқа ықпал етіп отырғаны байқалмайды. Ол экс-президенттің белгілі бір бизнес мүдделері болуы мүмкін екенін жоққа шығармады. Алайда елдің саяси бағытын қазіргі мемлекет басшысы айқындайтынын атап өтті.
"Мемлекеттегі саясатты тәуелсіз елдің президенті Қасым-Жомарт Тоқаев жүргізеді", – деді Ермұрат Бапи.
Осылайша депутат Назарбаевтың бүгінде елдегі саяси шешімдерге тікелей араласпайтынын айтты.
