Қазақстанның Бас прокуроры Берік Асылов есірткі қылмысымен күрес нәтижелерін жариялады, деп хабарлайды Dalanews.kz.
Оның айтуынша, Маңғыстауда "Dune-Operator 24/7" есірткі дүкені қызметі тоқтатылды.
"Есірткі кәсібінен түскен қолма-қол ақшаны банкке тапсыру кезінде арнайы прокурор мен облыстық ЭҚБ және ІІД қызметкерлері Шымкентке шығып, 1 млрд 155 млн теңге және 176 мың АҚШ доллары тәркіленді", – деді Асылов.
Сонымен қатар сот шешімі бойынша есірткі кәсібінен түскен 1 млрд теңге жеке кәсіпкердің банк шотында және 734 228 АҚШ доллары (USDT) көлеміндегі криптовалюта қаражаты бұғатталды.
