Маңғыстау облысында тоқтаусыз жауған нөсер жаңбырдан кейін "Бейнеу–Ақжігіт–Өзбекстан шекарасы" республикалық маңыздағы автожолдың бір бөлігін су басып, көліктердің қозғалысында қиындық туындады, деп хабарлайды Dalanews.kz.
Құзырлы ведомствоның нақтылауынша, тас жолдың 23-24-шақырымындағы жол төсемін жаңбыр суы басқанү
"Су басқан учаскенің ені – 9 метр, тереңдігі – 3-4 см. Көлік қозғалысы тоқтаған жоқ.Елдімекендерге қауіп төніп тұрған жоқ", - дейді өңірдегі төтеншеліктер.
Жағдайды бақылауға алу және суды бұру жұмыстарына "ҚазАвтоЖол" МИО-дан 9 қызметкер, 5 техника, Маңғыстау облысы ТЖД-дан – 1 дана "Газель", 1 дана "Toyota Hilux", 1 дана мотопомпа жұмылдырылды.
