Жетісу облысында жер сілкінді. Бұл туралы Төтенше жағдайлар министрлігі мәлімдеді, деп хабарлайды Dalanews.kz.

ТЖМ мәліметінше, 31 наурызда сағат 11:11-де жер сілкінісі тіркелген. Эпицентрі Қазақстан аумағында, Алматы қаласынан солтүстік-шығысқа қарай 273 шақырым жерде орналасқан.

"Тереңдігі - 10 шақырым. Жер сілкінісінің энергетикалық класы - 10.7. Магнитудасы MPV - 5.4", - деп жазылған ТЖМ хабарламасында.

Жер сілкінісінің күші былай сезілген:

• Жетісу облысы Панфилов ауданы Жаркент қаласы - 2 балл;
• Жетісу облысы Текелі қаласы - 2 балл;
• Жетісу облысы Ақсу ауданы Жансүгіров ауылы - 2 балл.