Orda.kz басылымының бұрынғы бас редакторы Гүлнәр Бәжкеноваға қатысты сот процесі 26 маусымда өтеді, деп хабарлайды dalanews.kz.
Сот отырысы осы жұмаға белгіленген. Істі Алматы қаласының Бостандық аудандық №2 соты қарайды. Процесс онлайн форматта өтеді деп хабарлайды Respublika.
Гүлнәр Бәжкеноваға көрінеу жалған ақпарат тарату, заңсыз кәсіпкерлікпен айналысу, сондай-ақ ірі көлемде бөтеннің мүлкін иемдену немесе ысырап ету баптары бойынша айып тағылған.
Қорғау тарапының мәліметінше, сотта оның мүддесін мемлекет тағайындаған адвокат қорғайды.
Әзірге сот отырысының нақты уақыты мен істің мән-жайына қатысты өзге мәліметтер жарияланған жоқ.
