Қазақстан құрамасы Словакияның Братислава қаласында өтіп жатқан күрестен U20 әлем чемпионатында алғашқы медалін жеңіп алды, деп хабарлайды dalanews.kz.
Грек-рим күресінен 67 келіге дейінгі салмақта сынға түскен Қазыбек Қалмағамбетов чемпион атанды.
Қазақстандық балуан финалда Беларусь өкілі Михаил Марковскиймен белдесіп, қарсыласын 13:7 есебімен жеңді.
Осылайша, Қалмағамбетов Қазақстан құрамасына турнирдегі алғашқы алтын медальді әкелді.
Қазір ұлттық құраманың қоржынында бір медаль бар.
