Қазақстандық файтер Еркебұлан Тоқтар Алматыда өткен аралас жекпе-жектен IBA Nomad 15 турнирінде өнер көрсетті, деп хабарлайды dalanews.kz.
Еркебұлан Тоқтардың қарсыласы ресейлік Артём Тарасов болды. Жекпе-жек жартылай орта салмақта өтіп, үш раундқа жоспарланған еді. Алайда қазақстандық спортшы бірінші раундта қарсыласын нокаутқа түсіріп, жеңіске жетті.
Еркебұлан Тоқтардың кәсіби ММА-дағы соңғы ресми жекпе-жегі өткен жылдың тамыз айында өткен. Ол кезде қазақстандық файтер ирандық Фарзад Гадериді екінші раундта нокаутпен жеңген болатын.
