Әскерде ауыр жарақат алып, кейін көз жұмған Ербаян Мұхтармен қоштасу рәсімінің өтетін уақыты мен орны белгілі болды, деп хабарлайды dalanews.kz.
Марқұмның жақындарының хабарлауынша, 25 маусым күні сағат 19:00-де Астанадағы Е. Серкебаев көшесі, 11 мекенжайында орналасқан «Гаухартас» банкет залында қонақасы беріледі.
Ал жаназа намазы 26 маусым күні сағат 10:00-де Муса Жәлел көшесі, 93 мекенжайындағы Шейх Кунта Қажы мешітінде оқылады.
Сағат 11:00-де Дмитрий Карбышев көшесі, 50 мекенжайында орналасқан «Бастау» банкет залында марқұмды еске алуға арналған ас беріледі.
Еске салайық, Ербаян Мұхтар әскери борышын өтеу кезінде ауыр бас-ми жарақатын алып, үш жылға жуық уақыт ауыр халде ем қабылдады. Оның қайтыс болғаны 24 маусымда белгілі болды.
