Енді 5 млн теңгеден асатын цифрлық активтер бойынша операцияларды Қаржылық мониторинг агенттігі тексереді, деп хабарлайды Dalanews.kz.
Құжат аясында алғаш рет қаржылық мониторингке жататын сомасы 5 миллион теңгеге тең немесе одан асатын цифрлық активтермен жасалатын операциялар бойынша шек белгіленеді.
Бұл ретте мәдени құндылықтарды қолма-қол нысанда сатып алу (сату) бойынша операциялар бойынша қаржылық мониторингтің шекті мөлшері 45 миллион теңгеден 1 миллион теңгеге дейін төмендетілді.
Сарапшылар атап өткендей, кейбір заттардың құны төмен, бірақ мәдени немесе тарихи құндылығы жоғары болуы мүмкін.
Бұл реттеу мұндай заттарды елден экспорттау тәуекелдерін барынша азайтуға бағытталған.
