«Қазгидромет» 10 желтоқсанға арналған ауа райы болжамын жариялады. Ресми мәліметке сай, еліміздің шығыс өңірлерінде күн қатты суытады, деп хабарлайды Dalanews.kz.
Астанада ауа райы жауын-шашынсыз болады, түнде -24…-26 градусқа дейін төмендеп, күндіз -18…-20 градус көрсетеді. Алматыда қар жауып, температура тәулік бойы -7…-9 градус шамасында сақталады. Шымкентте жауын-шашынсыз ауа райы күтіледі, түнде -5…-7, күндіз -1…-3 градус.
Ақтауда қар аралас жаңбыр жауып, жел күшейеді. Түнде температура 0…-2 градус, күндіз +1…+3 градусқа дейін жылынады. Ақтөбеде және Атырауда жауын-шашынсыз ауа райы сақталып, температура айтарлықтай төмендемейді: Ақтөбеде түнде -14…-16, күндіз -8…-10 градус, Атырауда түнде -3…-5, күндіз +1…+3 градус.
Жезқазған мен Қарағандыда да құрғақ ауа райы күтіледі. Жезқазғанда түнгі -15…-17 градус күндіз -9…-11-ге түседі. Қарағандыда түнде -22…-24, күндіз -18…-20 градус болады. Ең қатты суық Көкшетауда байқалады: түнде -28…-30, күндіз -18…-20 градус.
Қонаев пен Талдықорғанда қар жауып, жел күшейеді. Екі қалада да ауа температурасы тәулік бойы -7…-10 градус аралығында. Қостанайда түнде -23…-25, күндіз -14…-16 градус болады. Қызылордада жауын-шашынсыз, бірақ жел 15–20 м/с-қа дейін күшейеді. Түнгі температура -10…-12, күндіз -5…-7 градус.
Павлодарда бұлтты ауа райы сақталып, температура тәулік бойы -21…-23 градус, Петропавлда түнде -22…-24, күндіз -13…-15 градус күтіледі. Семейде қар жауып, жел 20 м/с-қа дейін күшейеді, температура -21 градус шамасында. Таразда қар жауып, түнде -5…-7, күндіз -3…-5 градус болады.
Түркістанда ауа райы жауын-шашынсыз, түнде -6…-8, күндіз 0…+2 градус. Оралда түнде -8…-10, күндіз -3…-5 градус шамасында суық болады. Өскеменде қар жауып, жел күшейеді, температура түнде және күндіз -18…-20 градус.
