Алматы қаласының әкімі Дархан Амангелдіұлы Сатыбалдыға "Түркістан облысының Құрметті азаматы" атағы берілді, деп хабарлайды dalanews.kz.
Тиісті шешім 2026 жылғы 29 қыркүйекте өткен Түркістан облыстық мәслихатының кезектен тыс жиырма жетінші сессиясында қабылданған.
Қабылданған шешімге сәйкес, құрметті атақ Дархан Сатыбалдымен бірге тағы бірқатар азаматқа берілді. Олардың арасында Түркістан облыстық мәслихатының төрағасы Нұралы Әбішов, Қазақстан Жазушылар одағы басқарма төрағасының орынбасары Қасымхан Бегманов, Сенаттың экс-депутаты Дархан Қыдырәлі және басқа да азаматтар бар.
Дархан Сатыбалды қазіргі уақытта Алматы қаласының әкімі қызметін атқарады.
Ресми ақпарат Түркістан облыстық мәслихатының сайтында жарияланған.
