13 маусым күні сағат 10:00 шамасында Атырау – Индер автожолында жол-көлік оқиғасы болды, деп хабарлайды dalanews.kz.
Оқиға Индер ауданына қарасты Бөдене ауылының маңында тіркелген.
Алдын ала мәлімет бойынша, жолда Toyota Alphard маркалы автокөлік аударылып қалған. Оқиғаның мән-жайы мен зардап шеккендер туралы әзірге ресми ақпарат жарияланған жоқ.
Қазіргі уақытта Атырау облыстық полиция департаментінің баспасөз қызметінің түсініктемесі күтілуде.
Оқиғаның себептері анықталып жатыр. Ресми мәліметтер жарияланғаннан кейін ақпарат толықтырылатын болады.
