Атырауда сауда ойын-сауық орталығында 14 жастағы жасөспірім биіктіктен секіріп, жарақат алды, деп хабарлайды Dala News.
Полиция мәліметінше, жасөспірім ата-анасының қарауынсыз жүріп, қауіпсіздік талаптарын бұзған.
«14 жастағы жасөспірім қауіпсіздік талаптарын сақтамай, биіктіктен секіріп, жеңіл жарақат алған», – деп хабарлады департамент.
Ол медициналық тексерістен кейін ата-анасына тапсырылған.
Ата-анасы бала тәрбиесіне қатысты міндеттерді тиісінше орындамағаны үшін әкімшілік жауапкершілікке тартылды.
Сондай-ақ құзырлы органдарға нысандағы қауіпсіздік шараларын тексеру туралы нұсқама берілді.
