Ақтауда 30 тамызда кешке Каспий теңізінде серуендеуге шыққан катер жартасқа соғылып, салдарынан екі адам қаза тапты, деп хабарлайды dalanews.kz.
Маңғыстау облысы ТЖД мәліметінше, оқиға туралы хабар 22:56-да түскен. Катер 5А шағынауданы маңында жартасқа соғылған. Оның бортында жеті адам болған.
Құтқарушылар бес адамды жағаға шығарып, дәрігерлерге тапсырған. Алдын ала мәлімет бойынша тағы екі адам құтқару кеудешесін кимеген. Іздестіру-құтқару жұмыстары кезінде олардың сүйегі жағадан шамамен 500 метр жерден, судан шығарылған.
Оқиғаның мән-жайы мен себептері анықталып жатыр.
