Ақорда Ұлттық құрылтайға қатысты маңызды ақпарат жариялады, деп хабарлайды Dalanews.kz.
Ұлттық құрылтайдың V отырысы 20 қаңтар күні Қызылордада өтеді.
"Сыр бойындағы жиында Президент Қасым-Жомарт Тоқаев сөз сөйлеп, Қазақстанның келешек даму бағдары мен қоғамдағы өзекті мәселелер туралы ойларын ортаға салады", - деді Президенттің көмекшісі - баспасөз хатшысы Руслан Желдібай.
Ұлттық құрылтайдың бұған дейінгі отырыстары:
- 2022 жылы – Ұлытауда;
- 2023 жылы – Түркістанда;
- 2024 жылы – Атырауда;
- 2025 жылы – Бурабайда өтті.
