2026 жылдың 1 қаңтарынан бастап Үлкен Алматы айналма автомобиль жолымен (БАКАД) жүру тарифі екі есе өседі. Көлік министрлігі осыған қатысты бұйрыққа өзгерістер енгізуге дайындалып жатыр, деп хабарлайды Dalanews.kz.

Жеңіл көліктер үшін төлем 0,07-ден 0,14 АЕК-ке дейін өседі – бұл жолда бір сағат жүру үшін шамамен 605 теңге болады.

Айта кетейік, 2026 жылы айлық есептік көрсеткіш (АЕК) 4 325 теңгеге тең болады.

Көліктің басқа санаттары үшін де тариф пропорционалды түрде қымбаттайды: мысалы, 16 орынға дейінгі автобустар үшін жол ақысы 0,16 АЕК – 692 теңге болады.

Ал массасы 15 тоннадан асатын жүк көліктері үшін тариф 0,44 АЕК болады – шамамен 1 903 теңге.

Жаңа тарифтермен қатар 50 пайыздық жеңілдік те қолданыста болады. Бірақ ол тек кейбір жағдайларда беріледі:

• алдын ала төлем жасағанда – шотты толықтыру немесе ақылы учаскеге кірмей тұрып, көлік нөмірі бойынша төлем жүргізілгенде;

• кейін төлеу кезінде – жолдан өткеннен кейін 7 күнтізбелік күн ішінде төлем жасалса.

Ал төлем бір апта ішінде жүргізілмесе, қарыз қалыптасады және жол ақысы жеңілдіксіз, толық мөлшерде алынады.

Сонымен қатар Талғар, Қарасай және Іле аудандарының тұрғындары үшін айлық және жылдық абонементтердің бағасы өзгеріссіз қалады.