2026 jyldyń 1 qańtarynan bastap Úlken Almaty ainalma avtomobil jolymen (BAKAD) júrý tarifi eki ese ósedi. Kólik ministrligi osyǵan qatysty buiryqqa ózgerister engizýge daiyndalyp jatyr, dep habarlaidy Dalanews.kz.
Jeńil kólikter úshin tólem 0,07-den 0,14 AEK-ke deiin ósedi – bul jolda bir saǵat júrý úshin shamamen 605 teńge bolady.
Aita keteiik, 2026 jyly ailyq eseptik kórsetkish (AEK) 4 325 teńgege teń bolady.
Kóliktiń basqa sanattary úshin de tarif proportsionaldy túrde qymbattaidy: mysaly, 16 orynǵa deiingi avtobýstar úshin jol aqysy 0,16 AEK – 692 teńge bolady.
Al massasy 15 tonnadan asatyn júk kólikteri úshin tarif 0,44 AEK bolady – shamamen 1 903 teńge.
Jańa tariftermen qatar 50 paiyzdyq jeńildik te qoldanysta bolady. Biraq ol tek keibir jaǵdailarda beriledi:
-
aldyn ala tólem jasaǵanda – shotty tolyqtyrý nemese aqyly ýchaskege kirmei turyp, kólik nómiri boiynsha tólem júrgizilgende;
-
keiin tóleý kezinde – joldan ótkennen keiin 7 kúntizbelik kún ishinde tólem jasalsa.
Al tólem bir apta ishinde júrgizilmese, qaryz qalyptasady jáne jol aqysy jeńildiksiz, tolyq mólsherde alynady.
Sonymen qatar Talǵar, Qarasai jáne Ile aýdandarynyń turǵyndary úshin ailyq jáne jyldyq abonementterdiń baǵasy ózgerissiz qalady.
