Алматыда ең ірі мөлшерде есірткі тәркіленді. Бұл туралы Ұлттық қауіпсіздік комитетінің баспасөз қызметі мәлімдеді, деп хабарлайды Dalanews.kz. 

Есірткі контрабандасының халықаралық арнасын жою бойынша жүргізілген іс-шаралардың нәтижесінде бірреттік салмағы республика тарихындағы ең ірі болатын есірткі тәркіленді.

Қылмыстың ұйымдастырылуына қатысы бар деген күдікпен екі шетелдік ұсталып, қамауға алынды.

Қазір Қылмыстық кодекстің 297-бабының 3-бөлігі бойынша сотқа дейінгі тергеу жүргізіліп жатыр.