Премьер-министрдің орынбасары – ұлттық экономика министрі Серік Жұманғарин әлеуметтік қолдауға ие болатын азаматтар санатын бекіткен бұйрыққа қол қойды, деп хабарлайды Dalanews.kz.
Құжат жаңа Салық кодексі аясында әзірленіп, 2026 жылғы 1 қаңтардан бастап күшіне енеді.
Әлеуметтік қолдау құқығына ие болатындар:
- арнайы және мемлекеттік әлеуметтік жәрдемақы алушылар;
- зейнетақы төлемдерін алып отырған мүмкіндігі шектеулі жандар;
- ата-анасының қамқорлығынсыз қалған балалар мен жетімдер;
- атаулы әлеуметтік көмек (АӘК) алушылар;
- әлеуметтік маңызы бар аурулары бар адамдар;
- айналасындағылар үшін қауіпті ауруға шалдыққандар;
- ұзақ уақыт еңбекке жарамсыз (екі айдан астам) азаматтар;
- созылмалы сырқаттың ауыр түрімен ауыратындар.
