Журналистермен кездескен Азаматтарға арналған үкімет» корпорациясының Шығыс Қазақстан облысы бойынша филиалының директоры Азамат Есембулов жыл басынан бері шығысқазақстандық жүргізушілер мамандандыырлған Халыққа қызмет көрсету орталықтарынан 26 мың мемлекеттік қызметті онлайн режимде пайдаланғанын алға тартты. Олардың арасында он мыңға таяу азаматтар көлік құралдарын қайта тіркесе, үш мыңнан астам ШҚО тұрғындары мерзімі өткен жүргізушілік куәліктерін онлайн режиде қайта рәсімдегені белгілі болып отыр.
Осылайша үстіміздегі жылы ШҚО-да 7566 автокөлік тіркеуге қойылып, екі мың адам жүргізушілік куәлігіне ие болғанын айта кетуіміз керек. Бүгінде көлік құжаттарын онлайн режимде рәсімдеу ісі egov.kz пен kaspi.kz, homebank платформасында жүзеге асыруға болады. Жыл басынан бері kaspi.kz қосымшасында 13 мың автокөліктің құжаты рәсімделген.
Жыл басында ел азаматтарына қолайлы болуы үшін Халыққа қызмет көрсету орталықтарында QR-код арқылы төлем жүргізу ісі жүзеге асқан-ды. Клиенттер QR-код арқылы мемлекеттік баж салығынан бастап, 146 мемқызметтің ақсын банк қосымшасымен заматта төлей алады.
