قازاقستاندىق كەسٸپقوي بوكسشى جەنٸبەك ەلٸمحانۇلى WBO نۇسقاسى بويىنشا ەكٸنشٸ ورتا سالماقتاعى ەلەم چەمپيونى اتاعىنا مٸندەتتٸ ٷمٸتكەر بولىپ تانىلدى, دەپ dalanews.kz تٸلشٸسٸ Sportinside.kz باسىلىمىنا سٸلتەمە جاساپ حابارلايدى.
بٷكٸلەلەمدٸك بوكس ۇيىمى بۇل مەرتەبەنٸ جەنٸبەككە بەرٸپ, دانييالىق ياكوب بانكتٸڭ دەل وسىنداي تالاپپەن بەرگەن ٶتٸنٸشٸن قاناعاتتاندىرماعان.
قازاقستاندىق بوكسشىنىڭ بۇعان دەيٸن ورتا سالماقتا WBO جەنە IBF بەلبەۋلەرٸنە يەلٸك ەتكەنٸ شەشۋشٸ فاكتورلاردىڭ بٸرٸ بولدى. سونىمەن قاتار جەنٸبەك ەلەم چەمپيونى اتاعىن بٸرنەشە رەت سەتتٸ قورعاعان.
WBO قاعيدالارى بويىنشا, بۇعان دەيٸن ەلەم چەمپيونى اتانىپ, بەلبەۋٸن قورعاعان بوكسشى جاڭا سالماق دەرەجەسٸنە اۋىسقان كەزدە ارتىقشىلىققا يە بولۋى مٷمكٸن.
ەندٸ جەنٸبەك ەلٸمحانۇلى ەكٸنشٸ ورتا سالماقتاعى WBO چەمپيونى حامزا شيرازبەن تيتۋلدىق جەكپە-جەك ٶتكٸزۋٸ تيٸس.
ۇيىم ەكٸ تاراپقا كەلٸسسٶزدەردٸ باستاۋعا 20 كٷن ۋاقىت بەرگەن. وسى مەرزٸم ٸشٸندە بوكسشىلاردىڭ كوماندالارى جەكپە-جەكتٸڭ شارتتارى بويىنشا ورتاق مەمٸلەگە كەلۋٸ كەرەك.
ەگەر كەلٸسٸم جاسالماسا, تامىز ايىنىڭ سوڭىندا چەمپيوندىق ايقاستى ٶتكٸزۋ قۇقىعىنا پروموۋتەرلٸك ساۋدا ۇيىمداستىرىلادى.
