يران ۇسىنىلعان ءبىتىم جوسپارىن قابىلداماي، قاقتىعىستى تولىق اياقتاۋ قاجەتتىگىن مالىمدەدى، دەپ حابارلايدى Dala News.
تەگەراننىڭ جاۋابى 10 تارماقتان تۇرادى. ونىڭ ىشىندە وڭىردەگى قاقتىعىستاردى توقتاتۋ، ورمۋز بۇعازى ارقىلى ءقاۋىپسىز ءوتۋ ءتارتىبىن ازىرلەۋ، سانكسيالاردى الىپ تاستاۋ جانە سوعىستان كەيىنگى قالپىنا كەلتىرۋ ماسەلەلەرى قامتىلعان.
بۇعان دەيىن اقش پەن يرانعا ەكى كەزەڭنەن تۇراتىن جوسپار ۇسىنىلعان. قۇجاتقا سايكەس، الدىمەن اتىستى توقتاتۋ، كەيىن تۇپكىلىكتى كەلىسىمگە كەلۋ قاراستىرىلعان.
دەرەككوزدەردىڭ مالىمەتىنشە، جوسپار اياسىندا يران يادرولىق قارۋدان باس تارتۋى ءتيىس، ال ونىڭ ورنىنا سانكسيالار الىنىپ، اكتيۆتەرى بۇعاتتان بوساتىلادى.
جوسپار جاقىن كۇندەرى كەلىسىلمەك. ەگەر تاراپتار مامىلەگە كەلسە، اتىس دەرەۋ توقتاتىلىپ، ورمۋز بۇعازى اشىلىپ، 15–20 كۇن ىشىندە تۇپكىلىكتى كەلىسىمگە قول قويىلۋى مۇمكىن.
سونىمەن قاتار پاكىستان ارمياسىنىڭ باس شتابىنىڭ باسشىسى تاراپتارمەن جەكە كەلىسسوزدەر جۇرگىزگەنى حابارلاندى. يران بىتىمگە كەلۋدەن باس تارتتى جانە سوعىستى تولىق اياقتاۋدى تالاپ ەتتى.
