اقپاراتقا قاراعاندا، باسقا وقۋ ورىندارىندا دا وسىنداي جاعداي ورىن العان.
قولحاتتا وقىتۋشىلار IMO مەسسەنجەرىن دە قولدانباۋعا مىندەتتەمە العان.
«IMO مەسسەنجەرى ارقىلى سمس حابار عانا جىبەرۋگە بولادى. سۋرەت جانە ۆيدەو جىبەرۋگە تىيىم سالىنادى» دەدى اشعابادتىق تۇرعىنداردىڭ ءبىرى.
وقىتۋشىلارعا تەك ەلەكتروندىق پوشتالاردى قولدانۋعا عانا رۇقسات بەرىلگەن.
تۇركىمەنستاندا سوڭعى كۇندەرى الەۋمەتتىك جەلىگە باقىلاۋ كۇشەيتىلىپ، ينتەرنەتكە شەكتەۋ ەنگىزىلدى. ولكەدە Facebook، Instagram، Twitter بۇعاتتالعان. ولارعا تەك VPN سەرۆەرلەردىڭ كومەگىمەن عانا كىرۋگە بولادى. بيلىك VPN سەرۆەرلەردى قولدانعانداردى جانە ونى ازاماتتارعا ورناتىپ بەرگەندەردى قۋعىنداپ جاتىر.
