يلون ماسك Tesla مەن SpaceX كومپانيالارىنىڭ باس ديرەكتورى ەكەنى بارشاعا ءمالىم. ول Tesla-نىڭ اكسياسىن ساتىپ، ودان تۇسكەن قارجىعا Twitter الەۋمەتتىك جەلىسىن ساتىپ الۋعا جۇمساعان.
ول Twitterء-دى 44 ملرد دوللارعا ساتىپ الۋعا كەلىسكەن بولاتىن.
اقش-تىڭ قۇندى قاعازدار بيرجاسى وسى اپتادا يلون ماسك Tesla-نىڭ 9،6 ملن اكسياسىن ساۋداعا شىعارىپ، ساتقانىن راستادى. ەندى ماسكتە ايگىلى Tesla كومپانياسىنىڭ 163 ملن اكسياسى قالدى. بۇل شامامەن كومپانيانىڭ 16 پايىز اكسياسىن قۇرايدى.
ساۋدا ساتىمەن وتكەننەن كەيىن ماسك ەندى ءوزى قۇرعان كومپانيانىڭ اكسياسىن ساتۋدى جوسپارلامايتىنىن Twitter اككاۋنتىندا جاريا ەتتى.
25 ءساۋىر كۇنى Twitter ماسك ايگىلى الەۋمەتتىك جەلىنىڭ ءاربىر اكسياسىنا 54،2 دوللاردان تولەگەنىن العا تارتتى.
