قارجى سالاسىنداعى جەتەكشى ماماندار، اتاپ ايتقاندا «تۇرعىن ءۇي جيناق بانكى» باسقارما ءتوراعاسىنىڭ ورىنباسارى قايرات التىنبەكوۆ، ق ر ۇلتتىق بانكى تولەم جۇيەلەرىن دامىتۋ جانە باسقارۋ دەپارتامەنتى ديرەكتورىنىڭ ورىنباسارى اسقار جانباقين، «قور» مۇناي كومپانياسىنىڭ ديرەكتورلار كەڭەسى ءتوراعاسىنىڭ كەڭەسشىسى جان ماتاقوۆ، الماتى قالاسى كاسىپكەرلەر پالاتاسىنىڭ ديرەكتورى يۋريي تىلەۋمۇراتوۆ، نەسيەلىك تاۋەكەلدى جانە كەپىلدىكتى باعالاۋ باسقارماسىنىڭ باسشىسى كلارا ەرماكبايەۆا ءبىزدىڭ ستۋدەنتتەرمەن جولىعىپ، ءوز وي-پىكىرلەرىمەن ءبولىستى.
جيىندى ۋنيۆەرسيتەتتىڭ اكادەميالىق سۇراقتار بويىنشا پرورەكتورى رايسا وسكەنبايەۆا اشتى. كەلەسى كەزەكتە ءسوز العان ۇلتتىق بانك تولەم جۇيەلەرىن دامىتۋ جانە باسقارۋ دەپارتامەنتى ديرەكتورىنىڭ ورىنباسارى اسقار جانباقين قارجى سەكتورىنداعى ساندىق تەحنولوگيالاردىڭ ماڭىزدىلىعى تۋرالى ايتتى. «جاڭا تەحنولوگيالار قىزمەت كورسەتۋ دەڭگەيىن جاڭا ساپاعا كوتەرەدى. ستۋدەنتتەر جاڭا تەحنولوگيالار جاساپ شىعارا بەرىڭىزدەر، ءوز جۇمىستارىڭىزدى جەڭىلدەتۋدىڭ ەڭ ءتيىمدى جولى وسى» دەدى ول ءوز سوزىندە.
ساراپشىلارمەن تىلدەسكەن ءبىزدىڭ ستۋدەنتتەر كوپ نارسەنى ءبىلدى. «تۇرعىن ءۇي جيناق بانكى» باسقارما ءتوراعاسىنىڭ ورىنباسارى قايرات التىنبەكوۆ «تۇرعىن ءۇي قۇرىلىس بانكىندەگى داعدارىس تۇسىنداعى مەنەدجمەنت» تۋرالى بايانداما جاسادى. «ءاردايىم كليەنتتەر ءۇشىن جاڭا جانە امبەباپ دۇنيە جاساۋعا تىرىسىڭىزدار» دەدى ءوز سوزىندە قايرات تورەقۇل ۇلى.
جالپى مۇنداي كەزدەسۋلەر حالىقارالىق ءىت ۋنيۆەرسيتەتىنىڭ ستۋدەنتتەرى ءۇشىن قازاقستاننىڭ قارجىلىق سەكتورىنداعى قازىرگى جانە بولاشاقتاعى جاعدايمەن تانىسۋدىڭ تاپتىرماس مۇمكىندىگى بولىپ سانالادى.
حالىقارالىق ءىت ۋنيۆەرسيتەتىنىڭ باسپا ءسوز قىزمەتى
