ۋكراينا Ukraine Support Loan باعدارلاماسى اياسىندا ەۋروپالىق وداقتان 3,3 ملرد ەۋرو كٶلەمٸندەگٸ كەزەكتٸ قارجىلىق كٶمەكتٸ الدى. بۇل قاراجات ەلدٸڭ شۇعىل قورعانىس قاجەتتٸلٸكتەرٸن قامتاماسىز ەتۋگە, ونىڭ ٸشٸندە زىمىراندار مەن ۇشقىشسىز ۇشۋ اپپاراتتارىن ساتىپ الۋعا جۇمسالادى, دەپ حابارلايدى dalanews.kz.
بۇل تۋرالى ۋكراينا پرەمەر-مينيسترٸ سەرگەي كورەتسكيي مەلٸمدەدٸ. ونىڭ ايتۋىنشا, بٶلٸنگەن قاراجات ەلدٸڭ قورعانىس ەلەۋەتٸن ارتتىرۋعا باعىتتالادى.
بۇعان دەيٸن, 11 قىركٷيەكتە ەۋروپالىق كوميسسييا ۋكرايناعا ەۋە قورعانىسى مەن زىمىرانعا قارسى قورعانىس جٷيەلەرٸن ساتىپ الۋ ٷشٸن قوسىمشا 6,1 ملرد ەۋرو بٶلۋ تۋرالى شەشٸم قابىلداعان بولاتىن. اتالعان قارجىعا Patriot كەشەندەرٸنە ارنالعان PAC-3 زىمىراندارى, وق-دەرٸلەر, دروندار جەنە راديوەلەكتروندىق كٷرەس قۇرالدارى الىنباق.
ەۋرووداقتىڭ قورعانىس مەسەلەلەرٸ جٶنٸندەگٸ كوميسسارى اندريۋس كۋبيليۋس ۋكراينا قىس مەزگٸلٸ باستالعانعا دەيٸن Patriot جٷيەلەرٸنە ارنالعان زىمىران قورىن بارىنشا تولىقتىرۋدى كٶزدەيتٸنٸن ايتقان. قازٸر سەرٸكتەس مەملەكەتتەردٸڭ قويمالارىنداعى زىمىرانداردى ۋاقىتشا ۋكرايناعا بەرۋ جەنە كەيٸن ولاردىڭ ورنىن جاڭا جەتكٸزٸلٸمدەرمەن تولتىرۋ تەتٸگٸ قاراستىرىلىپ جاتىر.
رەسمي مەلٸمەتكە سەيكەس, Ukraine Support Loan باعدارلاماسى ارقىلى 2026 جىلى ۋكرايناعا كٶرسەتٸلگەن قورعانىس كٶمەگٸنٸڭ جالپى كٶلەمٸ 28,3 ملرد ەۋروعا جەتكەن. باعدارلاما اياسىنداعى نەگٸزگٸ ساتىپ الۋلار, جەتكٸزۋشٸلەر جەنە جەتكٸزۋ مەرزٸمدەرٸ الدىن الا كەلٸسٸلگەن.
