رەسەيلٸك تەلەجٷرگٸزۋشٸ جەنە «گازپروم-مەديا» باس ديرەكتورىنىڭ ورىنباسارى تينا كاندەلاكي ەۋرووداق سانكتسييالارىنا ٸلٸكتٸ. ونىمەن بٸرگە سانكتسييالىق تٸزٸمگە ەنشٸ لاريسا دولينا دا ەنگٸزٸلدٸ, دەپ حابارلايدى Dalanews.kz.
«كوممەرسانت» حابارلاۋىنشا, ولار سانكتسييا سالىنعان 16 رەسەيلٸكتٸڭ قاتارىندا. بۇل شەشٸم ەۋروپالىق كەڭەس بەكٸتكەن 15-شٸ شەكتەۋ پاكەتٸ اياسىندا قابىلداندى.
سانكتسييالار بويىنشا ەو ەلدەرٸنە كٸرۋگە جەنە ولاردىڭ اۋماعىندا جٷرۋگە تىيىم سالىنادى. سونىمەن قاتار, ەۋروپالىق بانكتەردەگٸ شوتتارى بۇعاتتالادى جەنە كەز كەلگەن قارجىلىق وپەراتسييالارعا تىيىم سالىنادى.
ەسكە سالايىق, بۇعان دەيٸن تينا كاندەلاكي ٶزٸنٸڭ Telegram-ارناسىندا “قازاقستاندا ورىس تٸلٸ اقىرىن ىعىستىرىلىپ جاتقانىن” ايتىپ, جازبا جارييالاعان بولاتىن. مۇندا ول قازاقتاردى “مەڭگٷرتكە” تەڭەگەن ەدٸ.
وسى تۇستا اشۋعا بۋلىققان قازاقستاندىقتار تينا كاندەلاكيگە تيەسٸلٸ كومپانييا ٶنٸمٸن سايتتان الىپ تاستاۋدى تالاپ ەتٸپ, ونى ساتىپ الماۋعا شاقىردى.نەتيجەسٸندە رەسەيلٸك تەلەجٷرگٸزۋشٸنٸڭ كەسٸبٸنە ەلٸمٸزدەگٸ ارنايى ساۋدا الاڭدارىندا شەكتەۋ قويىلدى.
ارتىنشا تينا كاندەلاكيدٸڭ بيزنەسٸ قازاقستاندا توقتاپ قالدى. “زولوتوە يابلوكو” ساۋدا جەلٸسٸنٸڭ قازاقستانداعى ونلاين-كاتالوگىنان تينا كاندەلاكيگە تيەسٸلٸ “Ansaligy” كوسمەتيكا برەندٸنٸڭ ٶنٸمدەرٸ جوعالىپ كەتتٸ. ونى كاندەلاكي "يننوۆاتسييالىق" دەپ اتاپ كەلگەن.
كٶپ ۇزاماي كاندەلاكي قىرعىز حالقىن دا رۋسوفوب دەپ اتادى.
بەرٸ جەرگٸلٸكتٸ بيلٸك بٸشكەكتەگٸ پانفيلوۆ ديۆيزيياسىنىڭ مۋزەيٸن بۇزۋىنان باستالعان. ارتىنشا تينا كاندەلاكي جەرگٸلٸكتٸ بيلٸك "باتىس ەسەرٸنەن كەڭەس تاريحىن ەلدەن الاستاتىپ, ونىڭ ورنىنا رۋسسوفوبييا پايدا بولعانىن" ايتتى.
رەسەيلٸك جۋرناليستٸڭ مەلٸمدەمەسٸنە قىرعىزستان پرەزيدەنتٸنٸڭ باسپاسٶز حاتشىسى دايىربەك ورۋنبەكوۆ جاۋاپ بەردٸ. ونىڭ سٶزٸنشە, بٸرٸنشٸدەن, مۋزەيدٸ بۇزۋ تۋرالى شەشٸم عيماراتتىڭ جاعدايىنمۇقييات تالداعاننان كەيٸن قابىلدانعان.
"ەكٸنشٸدەن, قىرعىزستان - ەگەمەن مەملەكەت. بيلٸكتٸڭ شەشٸمدەرٸ حالىقتىڭ مٷددەلەرٸنە نەگٸزدەلگەن. ٷشٸنشٸدەن, قىرعىزستان - ورىس تٸلٸ مەن مەدەنيەتٸ ٶمٸردٸڭ اجىراماس بٶلٸگٸ بولىپ تابىلاتىن كٶپۇلتتى ەل.
تٶرتٸنشٸدەن, پانفيلوۆ ديۆيزيياسىن ۇلىقتاۋ - بۇل مەسكەۋدٸ قورعاعانى ٷشٸن قازا تاپقان ەكەلەرٸمٸز بەن اتالارىمىزعا دەگەن قۇرمەت", - دەيدٸ ورۋنبەكوۆ.
دايىربەك ورۋنبەكوۆ تينا كاندەلاكيدٸڭ مەلٸمدەمەسٸ ابسۋرد ەكەنٸن اتاپ ٶتتٸ.
"تينا كاندەلاكي مۇنداي مەلٸمدەمە جاساماس بۇرىن بٸزدٸڭ ەلٸمٸزدٸڭ تاريحىن بٸلٸپ الۋعا كەڭەس بەرەمٸز, بٸزدٸڭ ەلٸمٸزگە كەلسە, ونىڭ ويى ٶزگەرٸپ, مۇنداي مەلٸمدەمە جاساماس ەدٸ", - دەدٸ ول.
