مەملەكەت باسشىسى جوعارعى سوت تٶراعاسى اسلامبەك مەرعاليەۆتٸ قابىلدادى, دەپ حابارلايدى dalanews.kz.
پرەزيدەنتكە سوت جٷيەسٸندە بيىلعى توعىز ايدا اتقارىلعان جۇمىس نەتيجەلەرٸ, سوت ٸسٸن جٷرگٸزۋ ٷدەرٸسٸن تسيفرلاندىرۋ بارىسى, سونداي-اق, ازاماتتاردىڭ سوت جٷيەسٸنە سەنٸمٸن ارتتىرۋ شارالارى تۋرالى باياندالدى.
اسلامبەك مەرعاليەۆ سوت ورگاندارى 24,8 مىڭ قىلمىستىق ٸستٸ قاراعانىن ايتتى. ازاماتتىق ٸستەردٸڭ سانى 28,4 پايىزعا ۇلعايىپ, 605 مىڭنان استى. بۇعان بانكروتتىققا, تۇرعىن ٷي جەنە جەر داۋلارىنا قاتىستى تالاپ-ارىزدار مەن كەلٸسٸمشارتتىق مٸندەتتەمەلەر بويىنشا ٸستەر سانى ارتۋى سەبەپ بولىپ وتىر. سونداي-اق, 29,2 مىڭ ەكٸمشٸلٸك ٸس جەنە 319 مىڭ ەكٸمشٸلٸك قۇقىقبۇزۋشىلىق تۋرالى ٸس قارالدى.
داۋلاردىڭ جارتىسىنا جۋىعى مەدياتسييامەن جەنە باسقا دا بالاما جولدارمەن رەتتەلدٸ.
كاسساتسييالىق سوتقا 18 مىڭنان اسا شاعىم تٷستٸ. ولاردى قاراستىرۋ نەتيجەسٸندە اپەللياتسييالىق ساتىدا تٷزەتٸلگەن سوت اكتٸلەرٸنٸڭ سانى ەكٸ ەسە, ياعني 934-تەن 1704-كە دەيٸن ٶستٸ.
سونىمەن قاتار, ۇلتتىق ستاتيستيكا بيۋروسىنىڭ مەلٸمەتٸنە سەيكەس سوت جٷيەسٸنە ابسوليۋت سەنٸم دەڭگەيٸ 2023 جىلدان بەرٸ 55,2 پايىزدان 69,7 پايىزعا دەيٸن ٶسكەن.
مەملەكەت باسشىسىنا سوت جٷيەسٸن كادرمەن قامتاماسىز ەتۋ تۋرالى مەلٸمەت بەرٸلدٸ.
كەزدەسۋ سوڭىندا قاسىم-جومارت توقاەۆ سوت تٶرەلٸگٸ ساپاسىن جاقسارتۋ جەنە سوت جٷيەسٸن جاڭعىرتۋ شارالارىن ٸسكە اسىرۋ قاجەتتٸگٸنە نازار اۋداردى.
