پرەزيدەنت قاسىم-جومارت توقاەۆ تو لامدى ٸ دەرەجەلٸ «دوستىق» وردەنٸمەن ماراپاتتادى, دەپ حابارلايدى Dalanews.kz.
پرەزيدەنت قازاقستان مەن ۆەتنامدى تەرەڭنەن تامىر تارتاتىن دوستىق قارىم-قاتىناس بايلانىستىراتىن اتاپ ٶتتٸ. سونىمەن قاتار 1959 جىلى قازاقستانعا ۆەتنامنىڭ تۇڭعىش پرەزيدەنتٸ حو شي ميننٸڭ كەلگەنٸن ەسكە سالدى. بۇل ساپار ەكٸ ەلدٸڭ سان قىرلى ىنتىماقتاستىعىن دامىتۋدىڭ بەرٸك نەگٸزٸن قالاعان ەدٸ.
قاسىم-جومارت توقاەۆ قازاقستان مەن ۆەتنام شىنايى ستراتەگييالىق ەرٸپتەستٸك ورناتقانىن ايتتى.
– سٸزدٸڭ قازاقستانعا مەملەكەتتٸك ساپارىڭىزدىڭ تاريحي ماڭىزى زور. بۇل قازاق-ۆەتنام قاتىناسىن دامىتۋدىڭ ماڭىزدى كەزەڭٸ باستالعانىن كٶرسەتەدٸ. بٷگٸنگٸ كەلٸسسٶزدەر قورىتىندىسى بويىنشا ەكٸجاقتى ىنتىماقتاستىقتى جاڭا دەڭگەيگە كٶتەرەتٸن ستراتەگييالىق سەرٸكتەستٸك ورناتۋعا كەلٸستٸك. بۇل ٷشٸن مول پەرسپەكتيۆاعا جول اشاتىن ساياسي ەرٸك-جٸگەر مەن ساۋدا-ەكونوميكالىق ەلەۋەت جەتكٸلٸكتٸ. ەكٸ ەل اراسىنداعى دوستىقتى نىعايتۋعا ايرىقشا ٷلەس قوسقانىڭىزدى اتاپ ٶتكٸم كەلەدٸ. وسى ورايدا سٸزگە قازاقستان رەسپۋبليكاسىنىڭ مەملەكەتتٸك ناگراداسى – ٸ دەرەجەلٸ «دوستىق» وردەنٸن تابىستاۋعا رۇقسات ەتٸڭٸز. قازاقستان مەن ۆەتنام ىقپالداستىعىن ودان ەرٸ ارتتىرۋعا قولداۋ كٶرسەتە بەرەسٸز دەپ سەنەمٸن, – دەدٸ مەملەكەت باسشىسى.
ۆەتنام كوممۋنيستٸك پارتيياسى ورتالىق كوميتەتٸنٸڭ باس حاتشىسى قازاقستاننىڭ ەڭ جوعارى مەملەكەتتٸك ناگراداسىن تاپسىرعانى ٷشٸن قاسىم-جومارت توقاەۆ پەن قازاق حالقىنا العىس ايتتى.
– بۇل – مەن ٷشٸن ٶتە قۇندى ماراپات. ٶيتكەنٸ مۇنى ەلدەرٸمٸزدٸڭ ونداعان جىلداردان بەرٸ جالعاسىپ كەلە جاتقان ىنتىماقتاستىعى مەن تٸلەكتەستٸگٸنٸڭ نەتيجەسٸ ەرٸ قوس حالىقتىڭ سەنٸمٸ مەن شىنايى سٷيٸسپەنشٸلٸگٸنٸڭ بەلگٸسٸ دەپ بٸلەمٸن. قازاقستاننىڭ ٶسٸپ-ٶركەندەۋٸنە, ال قازاق حالقىنىڭ باق-بەرەكەسٸ ارتا بەرۋٸنە تٸلەكتەسپٸن, – دەدٸ ۆەتنام كومپارتيياسى وك باس حاتشىسى.
