مەملەكەت باسشىسى قازاقستان رەسپۋبليكاسىنىڭ قۇرىلتاي دەپۋتاتتارى سايلاۋىندا داۋىس بەردٸ, دەپ حابارلايدى dalanews.kz.
پرەزيدەنت قاسىم-جومارت توقاەۆ تەۋەلسٸزدٸك سارايىندا ورنالاسقان №520 سايلاۋ ۋچاسكەسٸنە بارىپ, قازاقستان رەسپۋبليكاسى قۇرىلتاي دەپۋتاتتارىنىڭ سايلاۋىندا داۋىس بەردٸ.
سودان كەيٸن مەملەكەت باسشىسى بۇقارالىق اقپارات قۇرالدارى ٶكٸلدەرٸنە بريفينگ ٶتكٸزدٸ.
"شىن مەنٸندە, بٷگٸن – ەلٸمٸز ٷشٸن تاريحي كٷن. تۇڭعىش رەت بٸر پالاتالى قۇرىلتاي سايلاۋىن ٶتكٸزٸپ وتىرمىز. بۇل – ماڭىزدى تاريحي وقيعا. بٸز بٸرتۇتاس ەل بولىپ, اۋقىمدى رەفورمالار جٷرگٸزٸپ جاتىرمىز. مۇنى بەرٸڭٸز بٸلەسٸزدەر, كۋە بولىپ وتىرسىزدار. ويداعىداي نەتيجەلەرگە قول جەتكٸزدٸك. دەگەنمەن الدىمىزدا تۇرعان جۇمىس اۋقىمدى, ماقساتىمىز ماڭىزدى دەپ ايتۋعا بولادى. بٷگٸنگٸ سايلاۋ وسى جۇمىستىڭ باستاۋى عانا", – دەدٸ قاسىم-جومارت توقاەۆ.
