BBC ارناسىنىڭ اۆتوكولىككە ارنالعان Top Gear باعدارلاماسىن كريس ەۆانس جۇرگىزەتىن بولدى. باعدارلامانىڭ جاڭا تۇسىرىلىمدەرى الداعى ۋاقىتتا جالعاسىن تاپپاق.

دۇنيەجۇزىنىڭ 200 ەلىندە تارالاتىن تانىمال باعدارلامانى تىزگىندەۋگە كىرىسكەن كريس ەۆانس وسىعان دەيىن قالىپتاسقان قاعيدالاردى ساقتاي وتىرىپ، شوۋ-باعدارلاماعا جاڭاشا سيپات بەرەتىنىن ءمالىم ەتتى. وسىعان دەيىن Top Gear باعدارلاماسىن جۇرگىزىپ كەلگەن دجەرەمي كلاركسون پروديۋسەر ويسين تيمونمەن داۋلاسىپ، جۇمىستان كەتىپ قالعانى بەلگىلى. مىنە، سودان بەرى ايگىلى باعدارلامانى كىم جۇرگىزەتىنى كوپشىلىكتى قاتتى قىزىقتىرعان ەدى. دجەرەمي كلاركسون كەتكەننەن كەيىن BBC ارناسى بيىلدىققا جوسپارلاعان 100 ملن. دوللار تابىسىنان قاعىلعانى بەلگىلى.