تاراپتار بالالاردىڭ تانىمال مۋلتيپليكاسيالىق ارنالارىن، اتاپ ايتقاندا، TiJi تەلەارناسىن قازاق تىلىنە اۋدارۋ بويىنشا ىنتىماقتاستىقتىڭ دامىتۋ پەرسپەكتيۆالارىن تالقىلادى. بۇل مەملەكەتتىك تىلدەگى بالالار كونتەنتىن ارتتىرۋداعى ماڭىزدى قادام بولماق.
– قازىرگى اقپاراتتىق عاسىردا مۋلتفيلمدەردىڭ بالاعا اسەرى ەرەكشە. بۇل باعىتتا ەلىمىزدە ۇلكەن جۇمىستار اتقارىلۋدا. وسى سالاداعى جارقىن جوبالاردىڭ ءبىرى بالالار تۇتىناتىن مەملەكەتتىك تىلدەگى كونتەنتتى ۇلعايتۋ ماقساتىندا تانىمال بالالار ارنالارىنىڭ مۋلتيپليكاسياسىن قازاق تىلىنە اۋدارۋ بولىپ تابىلادى. ءسىزدىڭ ارناڭىزدىڭ وسىنداي جوبالاردى ىسكە اسىرۋداعى تاجىريبەسىن جانە حابار تاراتۋداعى تىلدەرىنىڭ مولشىلىعىن نازارعا الا وتىرىپ، ءبىزدىڭ ۇسىنىسىمىزدى قابىلداعانىڭىزعا قۋانىشىمدى بىلدىرەمىن، – دەپ اتاپ ءوتتى مينيستر ا.بالايەۆا.
كەزدەسۋگە قاتىسۋشىلار ءوزارا ءتيىمدى قارىم-قاتىناستاردى نىعايتۋ جانە ودان ءارى جولعا قويۋ تۋرالى نيەتتەرىن راستاي وتىرىپ، جان-جاقتى ىنتىماقتاستىققا جانە بىرلەسكەن جوبالاردى ىسكە اسىرۋعا دايىن ەكەندىكتەرىن ءبىلدىردى.
