ششۋچينسكىدەگى جارىلىستان قازا تاپقانداردىڭ وتباسىنا 2 ملن تەڭگەدەن بەرىلەدى، دەپ حابارلايدى Dalanews.kz.
بۇل تۋرالى بۋراباي اۋدانىنىڭ اكىمى اراي سادىقوۆ مالىمدەدى. ونىڭ سوزىنشە، جاعداي دەرەۋ باقىلاۋعا الىنىپ، جەدەل شتابتىڭ قۇرىلعان.
28 ادام زارداپ شەكتى، 7 ادام قازا تاپتى، ولاردىڭ ىشىندە ءبىر كامەلەتكە تولماعان بار. بارلىق قاجەتتى كومەك تولىق كولەمدە كورسەتىلۋدە.
قازا تاپقانداردىڭ وتباسىلارىنا 2 ملن تەڭگە مولشەرىندە ءبىرجولعى ماتەريالدىق كومەك تولەنەدى، ال زارداپ شەككەندەرگە 1 ملن تەڭگەدەن بەرىلەدى. اكىمدىك جەرلەۋ راسىمدەرىن ۇيىمداستىرۋعا بايلانىستى بارلىق ۇيىمداستىرۋشىلىق ماسەلەلەردى ءوز موينىنا الدى. قارالى ءىس-شارالارعا قاتىسۋ ءۇشىن كەلەتىن تۋىستاردى ورنالاستىرۋ جانە الىپ ءجۇرۋ بويىنشا كومەك كورسەتىلۋدە.
ەسكە سالايىق، 27 اقپانعا قاراعان ءتۇنى ششۋچينسك قالاسىندا بەس قاباتتى تۇرعىن ۇيگە تىركەلگەن ءبىر قاباتتى ءدامحانادا گاز اۋا قوسپاسى جارىلىپ، ءورت شىقتى.
سالدارىنان جەتى ادام قازا تاپتى.
