شىمكەنت قالاسى اكىمىنىڭ ءبىرىنشى ورىنباسارى تاعايىندالدى. شاھار باسشىسىنىڭ وكىمىمەن بۇل قىزمەتتى شىڭعىس جۇمابەك ۇلى مۇقان اتقاراتىن بولدى، دەپ حابارلايدى قازاقپارات ءتىلشىسى.

شىڭعىس مۇقان 1984 جىلى تۋعان، ءبىلىمى جوعارى. ماماندىعى بويىنشا ەكونوميست، اۋدارماشى، مەملەكەتتىك باسقارۋ ماگيسترى.

ول الماتىداعى «قاينار» ۋنيۆەرسيتەتىن، قازاق ەكونوميكا، قارجى جانە حالىقارالىق ساۋدا ۋنيۆەرسيتەتىن جانە «بولاشاق» باعدارلاماسى بويىنشا گارۆارد ۋنيۆەرسيتەتىن ءتامامداعان.

ەڭبەك جولىن «جاس الاش» گازەتىندە ءتىلشى بولىپ باستاعان. ءار جىلدارى ق ر ەنەرگەتيكا جانە مينەرالدى رەسۋرستار مينيسترلىگىنىڭ باسپا ءسوز حاتشىسى، «جايىق-پرەسس» ءجشس-ىنىڭ باس ديرەكتورى، باتىس قازاقستان وبلىسى اكىمى اپپاراتى باسشىسىنىڭ ورىنباسارى، ق ر پرەزيدەنتى اكىمشىلىگىنىڭ ىشكى ساياسات ءبولىمىنىڭ سەكتور مەڭگەرۋشىسى، اتىراۋ وبلىسى اكىمىنىڭ ورىنباسارى، KazPetroDrilling اق-نىڭ كورپوراتيۆتىك دامۋ بويىنشا ۆيسە-پرەزيدەنتى قىزمەتتەرىن اتقارعان.