شەرزات بولاتتىڭ ولىمىنە قاتىستى ءىس بويىنشا سوت ۇكىمى شىقتى، دەپ حابارلايدى Dalanews.kz.
سوت وتىرىسى جەتىسۋ وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ عيماراتىندا ءوتتى. ايىپتالۋشىلار ورىندىعىندا توعىز ادام وتىردى، ولاردىڭ ءبىرى كامەلەتكە تولماعان.
- ازامات توقتاۋبايەۆ 15 جىلعا باس بوستاندىعىنان ايىرىلدى.
- نۇرقياس ءىلياسوۆ 9 جىلعا باس بوستاندىعىنان ايىرىلدى.
- شىڭعىس بەلعوجايەۆ 7 جىلعا باس بوستاندىعىنان ايىرىلدى.
- دارحان اسكەنتاي 7 جىلعا باس بوستاندىعىنان ايىرىلدى.
- ديدار قالياحمەت 7 جىلعا باس بوستاندىعىنان ايىرىلدى.
- نۇربول توقتاۋبايەۆ 7 جىلعا باس بوستاندىعىنان ايىرىلدى.
شەرزات بولاتتىڭ ءولىمى تۋرالى نە بەلگىلى؟
ەسكە سالايىق، بىلتىر تالعاردا جاپپاي توبەلەس بولىپ، سالدارىنان 16 جاستاعى ءجاسوسپىرىم شەرزات بولات كوز جۇمدى.
كامەلەتكە تولماعان بالانى ءولتىرۋ دەرەگى بويىنشا الماتى وبلىسىنىڭ پوليسيا دەپارتامەنتى قىلمىستىق ءىس قوزعادى. سونداي-اق، ولاردىڭ ءۇيى ورتەنىپ كەتتى.
كوپ ۇزاماي، ياعني 9 جەلتوقساندا مارقۇم شەرزات بولاتتىڭ اعاسى نۇرعانات عايىپبايەۆ اجال قۇشتى. پوليسيا دەپارتامەنتى الدىن الا دەرەكتەر بويىنشا ول سۋيسيد جاساعانىن مالىمدەدى. وعان دالەل رەتىندە پوليسەيلەر نۇرعاناتتىڭ تۋىسىنا مەسسەندجەر ارقىلى جازعان حاتىن جاريا ەتتى.
ال مارقۇم شەرزاتتىڭ اكەسى باۋىرى نۇرعانات عايىپبايەۆتى جەر قوينىنا تاپسىرعانان كەيىن بۇقارالىق اقپارات قۇرالدارىمەن كەزدەسۋدى تالاپ ەتىپ، كوشەگە شىقتى. الايدا اراعا ۇزاق ۋاقىت سالماي قارجاۋباي نۇرىموۆتى پوليسيا قىزمەتكەرلەرى ۇستاپ اكەتتى. ارتىنشا شەرزات بولاتتىڭ اپكەسى قاماۋعا الىندى. كەيىن قارجاۋباي نۇرىموۆ 15 تاۋلىككە اكىمشىلىك قاماۋعا الىندى.
