بيىلعى وقۋ جىلىنىڭ باستىندا سايرام اۋدانىنا قاراستى اقسۋكەنت اۋىلىندا بالالاردىڭ سيفرلى جانە فۋنكسيونالدى ساۋاتتىلىعىن ارتتىرۋ ماقساتىندا تەگىن وقىتاتىن IT سىنىبى اشىلعان بولاتىن.
بۇل «نۇر وتان» پارتياسىنىڭ مۇرىندىق بولۋىمەن الداعى ءۇش جىل ىشىندە رەسپۋبليكا بويىنشا اشىلۋى ءتيىس «بالالارعا ارنالعان تەگىن IT سىنىپتار» جوباسى اياسىنداعى مىڭ تەگىن وقىتاتىن ءىت سىنىپتىڭ ءبىرى.
الداعى ۋاقىتتا جالپى سايرام اۋدانىندا تاعى دا وسىنداي 19 سىنىپ اشۋ كوزدەلۋدە.
ءىت سىنىپتىڭ اشىلعانىنا اتا-انالار مەن بالالار قاتتى قۋاندى. ويتكەنى بۇل سىنىپتا وقۋشىلارعا قاراپايىم الگوريتمدەردى قۇرۋ، ەۋروپالىق ءبىلىم بەرۋ ستاندارتتارىنا سايكەس باعدارلامالار مەن WEB-سايتتاردى قۇرۋ داعدىلارىن يگەرۋگە مۇمكىندىككە يە بولىپ وتىر.
ەڭ ماڭىزدىسى، وقۋشىلاردىڭ زاماناۋي ساۋاتتىلىعى ارتادى جانە ينجەنەرلىك-تەحنيكالىق ويلاۋ داعدىلارى قالىپتاساتىنى بەلگىلى.
ءقازىر اۋدان بويىنشا 12 مەملەكەتتىك بالاباقشا، 10 مەكتەپ جانىنداعى شاعىن ورتالىق جانە 72 جەكەمەنشىك بالاباقشادا بالاباقشامەن قامتۋدى قاجەت ەتەتىن 15100 بالانىڭ 14266 بالاسى تاربيەلەنۋدە، ياعني قامتۋ پايىزى 94،5%. مەملەكەتتىك-جەكەشەلىك ارىپتەستىك ارقىلى 3 بالاباقشا قۇرىلىستارى جۇرگىزىلىپ، اعىمداعى جىلدىڭ مامىر ايىندا اقسۋ اۋىلىنداعى 200 ورىندىق ابىلايحان اتىنداعى ورتا مەكتەبىنىڭ عيماراتىن بالاباقشا ەتىپ قايتا قۇرۋ جۇمىستارى اياقتالىپ، پايدالانۋعا تاپسىرىلدى.
سايرام اۋدانىنداعى ءبىلىم بەرۋ مەكەمەلەرىنىڭ 2018-2019 جىلعى قىسقى جىلىتۋ ماۋسىمىنا ءتاس-تۇيىن دايىندالعان بولاتىن.
Dalanews.kz
