پرەزيدەنت اكىمشىلىگىن باسقارعان اسەت يسەكەشوۆ كوزگە ءتۇستى، - دەپ حابارلايدى Dalanews.kz. 

يسەكەشوۆتىڭ سوڭعى رەت مەملەكەت باسشىسىنىڭ كومەكشىسى قىزمەتىن اتقارعان بولاتىن. الايدا ول 2023 جىلى قىركۇيەكتە وتستاۆكاعا كەتكەننەن كەيىن ساياسي الاڭنان كورىنبەي كەتتى. قازىرگى تاڭدا ول Qaztech تەحنولوگيالىق كومپانيالار اليانسىنىڭ قامقورشىلىق كەڭەسىنىڭ ءتوراعاسى قىزمەتىن اتقارىپ ءجۇر. 

يسەكەشوۆ 2024 جىلدىڭ قازانىنا دەيىن ەل الدىنا شىقپادى. ول 4 قازاندا قازاقستاننىڭ يننوۆاسيالىق جانە تەحنولوگيالىق دامۋىنا ارنالعان "QazTech Future vision" باستاماسى اياسىنداعى ساراپتامالىق كەزدەسۋدى باسقاردى.

ال 31 قازاندا اسەت يسەكەشوۆ ساۋدا مينيستر ارمان شاققالييەۆپەن ەلەكتروندى ساۋدا جۇمىسى بويىنشا دوڭگەلەك ۇستەل جيىنىن وتكىزدى. 

ايتا كەتەيىك، ەسكى قازاقستاننىڭ تۇسىندا يسەكەشيەۆ ءتۇرلى قىزمەت اتقارعان. مىسالى نازاربايەۆ بيلىكتە بولعان كەزدە ول 2016 جىلى 22 ماۋسىمى، 2018 جىلدىڭ 10 قىركۇيەگى ارالىعىندا استانا قالاسىنىڭ اكىمى، 2018 جىلدىڭ 10 قىركۇيەگىنەن – 2019 جىلدىڭ 24 ناۋرىزىنا دەيىن – پرەزيدەنت اكىمشىلىگىنىڭ باسشىسى، 2019 جىلدىڭ 25 ناۋرىزىنان – قازاقستان رەسپۋبليكاسى تۇڭعىش پرەزيدەنتى- ەلباسى قورىنىڭ اتقارۋشى ديرەكتورى بولعان. 

ال وعان دەيىن مينيستر، پرەزيدەنتتىڭ كومەكشىسى، پرەمەر-مينيستردىڭ ورىنباسارى، ۆيسە-مينيستر سەكىلدى ءتۇرلى قىزمەت اتقارعان.