رەسەيدە تەراكت جاساماق بولىپ، كوزى جويىلعان قازاقستاندىقتار تۋرالى تىڭ دەرەك شىقتى، - دەپ حابارلايدى Dalanews.kz.
"بارايەۆا" تەلەگرام ارناسىنىڭ مالىمەتىنشە، قازاقستاننىڭ ۇقك-ى مەن رەسەيلىك فسب رەسەيدىڭ كالۋگا وبلىسى اۋماعىندا قازاقستان ازاماتتارىنىڭ لاڭكەستىك ارەكەتىن دايىنداعانىن بىرلەسىپ تەرگەپ جاتىر.
"قازاقستاندا تىيىم سالىنعان "يسلام مەملەكەتى" ۇيىمىنىڭ "ۆيلايات حوراسان" توبىنىڭ ءدىني فاناتتارى ءبىرقاتار تەراكتتى ۇيىمداستىرا الماي، قازاقستاندىق جانە رەسەيلىك تاراپتى قىرىلىستىرىپ قويدى. بۇل قىلمىستىڭ ۇلتى بولماعان كەزدەگى جاعداي. ءدال وسى كوزى جويىلعان لاڭكەستەر ءوز وتانداستارىن دا ءولتىرۋى مۇمكىن ەدى.
ينسايدەرلىك اقپاراتقا سۇيەنسەك، تۇركيا پرەزيدەنتى رەجەپ تايىپ ەردوعاننىڭ ەلگە كەلۋى قارساڭىندا قازاقستاندا قوعامدىق-ساياسي جاعدايدى تۇراقسىزداندىرۋ ماقساتىندا قازاقستاندا دا لاڭكەستىك ارەكەتتەردىڭ كەزەكتى سەرياسى بولۋى كەرەك بولعان"، - دەلىنگەن تەلەگرام ارنادا.
بۇعان دەيىن قازاقستاننىڭ ۇلتتىق قاۋىپسىزدىك كوميتەتى رەسەيدە ەكى قازاقستاندىق تەراكت ۇيىمداستىرماق بولعانىن، ەكەۋى دە مەرت بولعانىن حابارلاعان ەدى.
باق-تا رەسەي فەدەراسياسىندا قازاقستاننىڭ ەكى ازاماتىنىڭ تەررورلىق اكتى جاساۋدى ۇيىمداستىرۋعا ارەكەتى كەزىندە رەسەيدىڭ كۇشتىك قۇرىلىمدارىمەن كوزى جويىلعانى تۋرالى اقپارات تاراعان بولاتىن. ۇقك بۇل ادامداردىڭ قازاقستاندىق ازاماتتىعى بارىن جانە رەسەيگە شىققاندىعىن راستادى.
بۇل دەرەك بويىنشا ۇقك سوتقا دەيىنگى تەرگەپ-تەكسەرۋ جۇرگىزىلە باستاعان.
