ايتا كەتەلىك، رەسەيدىڭ وليمپيادالىق كوميتەتى ريواداعى جارىسقا 8 اۋىراتلەت بارادى دەپ جوسپارلاپ قويعان. ەندى تولىق قۇرامدا ويىننان شەتتەتىلگەن رەسەيلىك سپورتشىلاردىڭ ورنىنا البانيا، گرۋزيا، مولداۆيا، بەلگيا، حورۆاتيا، سالۆادور، موڭعوليا جانە سەربيا اۋىراتلەتتەرى ب ا ق سىناماق.
IWF 2008 جىلعى بەيجىڭدەگى جانە 2012 جىلعى لوندونداعى وليمپيادا ويىندارىندا ونەر كورسەتكەن 7 رەسەيلىك اۋىراتلەتتىڭ سىناماسىن قايتا تەكسەرگەن جانە بۇل سىنامالاردا سپورتشىلاردىڭ دوپينگ قولدانعانى انىقتالعان. اۋىر اتلەتيكادان تۇتاس رەسەي قۇراماسىن الداعى وليمپيادا ويىندارىنان شەتتەتۋگە ءدال وسى جايت سەبەپ بولعان. سپورتشىلاردان تىس IWF ريو ويىندارىنان رەسەيلىك تەحنيكالىق كوميتەتتىڭ وكىلدەرىن تۇگەلدەي شەتتەتتى.
ءوز كەزەگىندە IWF كوميسسياسىنىڭ مۇشەسى، اۋىر اتلەتيكادان رەسەي قۇراماسىنىڭ ەكس-باپكەرى داۆيد ريگەرت فەدەراسيانىڭ بۇل ارەكەتىن «بانديتيزم» دەپ اتاپ، شىعارىلعان شەشىمدەي ادىلەتسىز سانايتىنىن ايتتى.
ايتا كەتەلىك، بۇدان بۇرىن ناتاليا زابولوتنايا، سۆەتلانا سارۋكايەۆا، اندرەي دەمانوۆ جانە الەكساندر يۆانوۆتىڭ دوپينگ قولدانعانى انىقتالعان بولاتىن. بۇلاردىڭ ەكەۋى لوندونداعى وليمپيادادا جۇلدە العان. ناتاليا زابولوتنايا مەن الەكساندر يۆانوۆ ءوز سالماق دارەجەلەرىندە كۇمىسپەن كۇپتەلگەن ەدى.
ال ودان بۇرىن نادەجدى ەۆستيۋحينا، مارينا شاينوۆا جانە اپتي اۋحادوۆتىڭ دوپينگ قابىلداعانى بەلگىلى بولعان.
دەرەككوز: kaz.365info.kz
