قوجامجاروۆتىڭ قاراماعىندا بولعاندار اتىشۋلى "قورعاس ءىسى" بويىنشا مويىنداپ جاۋاپ بەردى

ساعىنىش سارداروۆا 01 ناۋ. 2024 16:47 5085

ەكس-سەناتور قايرات قوجامجاروۆتىڭ ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگى بويىنشا قاراماعىندا بولعاندار اتى شۋلى "قورعاس ىسىنە" قاتىستى مويىنداپ، جاۋاپ بەرگەنى تۋرالى اقپارات تارادى، - دەپ حابارلايدى Dalanews.kz.

"قورعاس ءىسى بويىنشا" قارجى پوليسياسى قىزمەتكەرلەرىنە قاتىستى تەرگەۋ اياقتالۋعا جاقىن. بىرنەشە ادام ءقازىردىڭ وزىندە مويىندادى.

ولار قىلمىستىق ىستەر بويىنشا ايىپتالۋشىلاردى ازاپتاعانىن جانە سوتتالعاندارعا قاتىستى قىلمىستىق ءىس ماتەريالدارىن بۇرمالاعانىن مويىندادى. ولار (قوجامجاروۆتىڭ بۇرىنعى قاراماعىنداعىلار - ەسك.) جاۋاپ الۋعا شاقىرعانداردىڭ ءبىرى ءىس بويىنشا تەك كۋاگەر بولسا دا، وز-وزىنە قول جۇمسادى. تەرگەۋ اياقتالۋعا جاقىن جانە ءبىر ايدان كەيىن سوتقا جىبەرىلۋى مۇمكىن"، - دەپ حابارلادى قازتاگ دەرەككوزدەرىنە سىلتەپ.

وسى اقپاراتتى قازتاگ اگەنتتىگىنە بىردەن ەكى تاۋەلسىز ءارى بىر-بىرىمەن بايلانىستى ەمەس دەرەككوز راستاپتى.

2023 جىلى قوجامجاروۆتىڭ قول استىندا بولعان، فينپولدىڭ بۇرىنعى قىزمەتكەرى ۇلان مادييەۆ ازاپتادى دەگەن ايىپپەن ۇستالعانى بەلگىلى بولدى. سودان كەيىن "قورعاس ءىسى" جالعاسىن تاپقانى تۇسىنىكتى ەدى.

 


ۇسىنىلعان
سوڭعى جاڭالىقتار
x