قىزىلوردا وبلىسىندا وتكەن كوكپار كەزىندە كولىك جىلقىلاردى اياۋسىز قاعىپ كەتكەن، دەپ حابارلايدى Dalanews.kz.
ءوڭىردىڭ پوليسيا دەپارتامەنتى وكىلى جاعدايعا پىكىر ءبىلدىردى. وقيعا 1 قاراشادا شيەلى اۋدانى العاباس اۋىلىندا كەنت تۇرعىنى ۇيىمداستىرعان كوكپار ويىنى كەزىندە بولعان.
"ويىن بارىسىندا 102 ارناسىنا ەشقانداي حابارلاما تۇسپەگەن. بۇزاقىلىق دەرەگى بويىنشا قىلمىستىق ءىس قوزعالدى. كولىك جۇرگىزۋشىسى انىقتالىپ، پوليسيا بولىمىنە جەتكىزىلدى"، - دەدى قىزىلوردا وبلىسى پد باستىعىنىڭ ورىنباسارى ەرماحان ابدرامانوۆ.
پد مالىمەتىنشە، سوتالدى تەرگەپ-تەكسەرۋ اياسىندا وقيعاعا قاتىسى بارلاردىڭ ارەكەتىنە قۇقىقتىق باعا بەرىلەدى.
بۇدان بولەك، ءىس-شارا ۇيىمداستىرۋ ءتارتىبىن بۇزعانى ءۇشىن ۇيىمداستىرۋشى اكىمشىلىك جاۋاپكەرشىلىككە تارتىلعان.
