قىرعىزستاندا ىستىقكٶل وبلىسىنىڭ ٷستٸمەن ۇشىپ ٶتكەن جويعىش ۇشاقتان وق-دەرٸ تٷسٸپ قالعان. وقيعا 31 ناۋرىزدا كەشكە جاقىن سارى-قامىش اۋىلىنىڭ جوعارعى بٶلٸگٸندەگٸ القاپ ٷستٸندە بولعان, دەپ حابارلايدى Dalanews.kz.
وقيعا سالدارىنان جەردە ەكٸ شۇڭقىر پايدا بولعان. زارداپ شەككەندەر جوق.
ىستىقكٶل وبلىستىق ٸشكٸ ٸستەر باسقارماسى بۇل دەرەك تٸركەلگەنٸن راستادى. ماتەريالدار ەرٸ قاراي تەكسەرۋ ٷشٸن ەسكەري پروكۋراتۋراعا جولدانعان. وقيعانىڭ مەن-جايى مەن تٷسكەن وق-دەرٸنٸڭ تٷرٸ ناقتىلانىپ جاتىر.
ايتا كەتەيٸك, بۇعان دەيٸن ەلەۋمەتتٸك جەلٸلەردە قازاقستان اۋماعىندا, سونىڭ ٸشٸندە اتىراۋ وبلىسىندا, تاعى بٸر درون قۇلادى دەگەن اقپارات تاراعان ەدٸ.
